وصفات و اكلات خاصة بعيد الاضحى المبارك

وصفات و أكلات خاصة بعيد الأضحى المبارك

لحم كتف الغنمي مبخر :

المقادير:

- كتف غنمي صغير أو كبير
-ملح
-قليل من القزبرة و المعدنوس
-بصلة متوسطة مقطعة طوليا
-زبدة للدهن قبل إدخاله للفرن
-الكامون

الطريقة:

1-نأخذ لحم الكتف و نعمل به تشريحات و ندهنه بقليل من الملح {حسب الذوق}
2-نأخذ الكسكاس و نوزع فيه نصف كمية البصل االمقطع طوليا و نصف كمية القزبرة و المعدنوس الغير مفرومان
3-نضع اللحم فوقهم نرش عليه قليل جدا من الكامون ثم نغطيه بباقي البصل و المعدنوس
4-نغلق الكسكاس جيدا بورق البلاستيك ثم نضعه فوق طنجرته {الطنجرة يكون بها ماء و إذا رغبت بصلة مقطعة لتفادي اسودادها}
5-بعد ذلك نضعها فوق النار ليتبخر لحم كتف الغنمي{الضأن}
6-بعدما يصبح طازجا ندهنه بالزبدة المذابة و ندخله للفرن حتى يصبح ذهبيا
6-نقدمه مع الملح و الكامون حسب الذوق.

اللحم المحمر المغربي الاصيل....على حسابي جربوه :

اللحم اي نوع اختي بغيتي
طماطم مطحونة
بصل مشلض رقيق بزاف
سمن+زعفران حر+شوية زعفران +اسكنجبير+ابزار+ملح
2اوراق سيدنا موسى
القزبر و المعدونس مربط و شوية مقطع رقيييييييييييييييق بزاف
زيت شوية زيت الزيتون و شوية زيت عادي
ماء
اختي كديري كلشي في طنجرة الضغط دون ان يتقلى اللحم و كتسدي و تخليه يطيب
و يارب ينا إعجابكم.

الطنجية المراكشية :

المقادير:
* 1كلغ ونصف لحم خروف
* ستة فصوص ثوم محكوكين أو مدقوقين
* 2 ملاعق كبار كامون
* زعفران حر
* حامضة مرقدة مقطعة إلى أربع قطع
* ملعقة كبيرة رأس الحانوت
* 50 غ إلى 100 غ سمن بلدي حر
* كوب ماء
* ملح حسب الذوق

طريقة التحضير
* في قدر الطنجية، نضع اللحم والثوم والكامون والزعفران والحامض ورأس الحانوت والسمن الحر ونضيف الماء ونقلب جميع العناصر جيدا.
* نغطي الطنجية بورق سميك وخيط حتى تثبت جيدا، ثم نثقب الورق ثقبا رقيقة.
* نأخذها للفرن التقليدي أو الفرن الخاص بتدفئة الحمام حيث تطهى في الرماد الساخن جدا. وعندما تطهى نفرغ الخليط في طبق التقديم.

طاجين المروزية :

المقادير :

كلغ غنمي (ملج على الخصوص)
م ك راس الحانوت
م ص زعفران حر مدقوق وزعفران عادي
كاس ونصف زيت
م ص سمن
م ك عسل
نصف م ص ملح
2 م ك سكر
250غ زبيب بلا عظم
100غ لوز
م ص قرفة

الطريقة :

خلطي راس الحانوت مع زعفران حر وعادي سمن زيت ملح ديري في اللحم وخليه يتشرب الشرمولة مدة ساعة
ديريه من بعد في طنجرة غطيه بالماء وخليه يطيب على نار هادئة
غسلي الزبيب وقطريه ملي يطيب اللحم زوليه من الطنجرة وديري فيها الزبيب وخليه 20 دقيقة
من بعد زيدي العسل والسكر خلي المرق يخثر رجعي اللحم باش يشرب العسل وزيدي القرفة
قدمية مزين بالوز مقلي.

بالصحة والراحة ...

لحم الخروف اتفاية باللوز :

المقادير :

* كليو غرام ونصف لحم الخروف مقطع إلى قطع متوسطة الحجم
* 250 غرام من اللوز المسلوق والمقلي والمقطر والمنشف جيدا
* نصف ملعقة صغيرة من الزعفران الحر مدقوق ونصف ملعقة صغيرة زعفران العادي
* ملعقة صغيرة من الملح
* نصف ملعقة صغيرة من الفلفل الحار الأبيض
* نصف ملعقة صغيرة من الزنجبيل
* نصف كيلو غرام بصل
* ملعقة كبيرة بقدونس وقزبر مدقوق جيدا
* كأس شاي من زيت المائدة
* وملعقة كبيرة من السمن البلدي
* أربع فصوص من الثوم المدقوق
* ملعقتان كبيرتان سكر سميد أو ملعقتان كبيرتان عسل أصلي

طريقة التحضير :

* في طنجرة خاصة بالطهو، نضع البصل المفروم ونضيف الزيت والسمن والثوم المدقوق والقزبر والبقدونس المدقوق، والفلفل الحار الابيض، والزنجبيل، والملح والزعرفان الحر والزعفران العادي ونخلط جيدا ثم نضيف قطع لحم الخروف ونخلطها جيدا مع العناصر حتى تنسجم جيدا، ثم نضع الطنجرة فوق نار معتدلة، وعندما تقلى العناصر جيدا، نغمر اللحم بالماء، ثم نغلق الطنجرة وننتظر حتى ينظج اللحم جيدا.
* نأخذ اللوز ونسلقه ثم تنزع قشوره ويقلى في زيت ساخنة وغزيرة، ثم يقطر وينشف ويترك جانبا.
* عندما يطهى اللحم ويتقلى وتقل مرقه، نضيف ملعقتين كبيرتين من السكر السميد أو من العسل، حسب الذوق، ونترك الخليط يقلى جيدا، حتى تصبح المرق قليلة في الطنجرة ومخثرة.
* في إناء التقديم نضع قطع اللحم وتزين باللوز المقلي، ويمكن أن نضيف البيض المسلوق للتزيين.
وأكلة شهية .

البكبوكة :

مقادير لعمارة الكرشة :
100غ رئة ..
100غ كبدة
100غ روز
2فصوص ثوم
معلقة معدنوس
معلقة كبيرة مطيشة الحك
نصف معلقة ابزار ابيض
معلقة صغيرة تحميرة او فلفل احمر
نصف معلقة كامون
فلفل حار انتي وذوقك..

تقنية التحضير :
نصلقوا الكرشة ونظفوها مزيان من المادة اللي كتكون لاصقة بها ..
في انان يوضع الرئة والكبد واللحم مقطعين طريفات صغار ونزيدوا عليها الثوم مدقوق الروز مطيشة الحك معدنوس والتوابل نخلطوا الكل حتى يتجانس من بعد نعمروا طريفات الكرشة ونخيطوا بخيط ابيض ..

الطهي :

بصلة صغيرة محكوكة ..2فصوص ثوم
معلقة صغيرة تحميرة
نصف معلقة ابزار
نصف معلقة سكنجبير
معيلقة مطيشة الحك ..
2مطيشات وحدة محكوكة ووحدة قطع صغيرة
200غ حمص مرقد
زيت زعفران وملح طبعا ..

التحضير :
في اناء الطبخ نوضعوا الحمص و التوابل البصلة الطماطم ..الزيت يتشحروا شوية وتضاف قطع الكرشة المعمرة وتضاف كمية الماء اللي تكفي للطهي ...
بعدما تطهى تقدم في صحن مزينة بالحمص ..
وبالصحة والراحة ..

المقيلة:

2 كيلو لحم
4 م ك قزبور يابس
1/4 م ق كمون
10 ضروس ثوم
كاس صغير زيت زيتون
1/4 لتر زيت الزيتون
الشحمة ( حسب الرغبة)(تقطع قطع صغيرة ثم ذوبيها على نار مهيلة و صفيها باش تحيدي منها الطراف الكبار إلي ما دابوش)
الطريقة :
غسلي اللحم و سقطريه و قطعيه طريفات صغار زيدي عليه كاس ديال الزيت و العطرية و خليه يترقد فيها ليلة كاملة.
في الصباح و ضعي اللحم في الكوكوط وزيدي عليها زيت الزيتون 1/4 لتر و زيدي كاس و نصف ماء (صغير) و سدي الكوكوط 25 د من بعد التصفار، غير يطيب اللحم خلي الماء يتبخر مزيان ما خصش تبقى شي قطرة ديال الماء خص يبقى غير الزيت.
لما تبرد دريها في قريعات أو حكاك بلاستيك و و غطي لها وجهها بالزيت الزيتون و وضعيها في الثلاجة أو في الفريزر كما تحبي.

بولفاف:

نأخد الكبد وننظفها ثم نقطعها قطع ونشويها بعض الشيء من غير أن تنضج حتى نسهل عملية تقطيعها....

ثم نقطعها قطع مربعة وهكذا حتى نكمل الكبد ونضيف كمون و فلفل أحمر حلو وملح حسب الذوق ثم نأخد ثم نأخد الشحمة ونقطعها شرائط متساوية ونأخد كل قطعة كبد ونلف عليها الشحم حتى نحصل على مربع ونغرسوه في القضيب الحديدي في السفود ونشويهم على المجمر .
الشواء:
قطع صغيرة من اللحم
ملح
يبزار
فلفل أحمر
كمون
شوية زيت
بصلة مقطعة رقيقة جدا
نخلط المقادير جيدا ،ونترك اللحم ليتشرب التوابل
ثم نغرس قطع اللحم في أسياخ ونقوم بشيها...

أتمنى أن تروقكم هذه الوصفات،

اذا كانت الصور حاضرة لكن الموضوع رائع

شكراا على المجهود الكبير

عفوا اخي
و انشاء الله سابدل جهدي لايجاد الصور

ما ذبحناش

الله ايكون فالعوان